પીછું
Jul 08
ગઝલ Comments Off on પીછું
[wonderplugin_audio id=”461″]
ગગન સાથ લઈ ઊતરે એં ફરકતું
વિહગ-પાંખથી જે ખરી જાય પીછું
ફરકતું પડે ત્યારે ભૂરી હવામાં
ઝીણાં શિલ્પ કૈં કોતરી જાય પીછું
હજી એમાં કલશોર ગૂંજે વિહગનો
સૂનું આંગણું આ ભરી જાય પીછું
હદયમાં વસ્યાં પંખીઓ બ્હાર આવે
કદી આંખમાં જો તરી જાય પીછું
ગગનના અકળ શૂન્યમાં જઈ ડૂબે, જે
વિહગને ખર્યું સાંભરી જાય પીછું
- મનોજ ખંડેરિયા
સ્વર : અનંત વ્યાસ
સ્વરાંકન : અનંત વ્યાસ