ખુદાને પામવાનું નામ શ્રદ્ધા
May 15
ગઝલ Comments Off on ખુદાને પામવાનું નામ શ્રદ્ધા
[wonderplugin_audio id=”709″]
ખુદાને પામવાનું નામ શ્રદ્ધા,
દુઆઓ માંગવાનું નામ શ્રદ્ધા.
ધીરજની ગાંસડી માથે મૂકીને,
દુ:ખોને ઢાંકવાનું નામ શ્રદ્ધા.
તમે આવો નહીં ને તે છતાંયે,
તમારા આવવાનું નામ શ્રદ્ધા.
સંબંધો તૂટે એનું નામ શંકા,
સંબંધો સાંધવાનું નામ શ્રદ્ધા.
-દિલીપ પરીખ
સ્વરઃ હંસા દવે અને પુરુષોત્તમ ઉપાધ્યાય
સંગીતઃ પુરુષોત્તમ ઉપાધ્યાય