ટપકે છે લોહી આંખથી
Aug 24
ગઝલ Comments Off on ટપકે છે લોહી આંખથી
ટપકે છે લોહી આંખથી પાણીના સ્વાંગમાં
કાવ્યો મળી રહ્યાં છે કહાણીના સ્વાંગમાં
આપણને આદિ કાળથી અકળાવતું હતું ઐ
લાવ્યો છું એ જ મૌન હું વાણીના સ્વાંગમાં
પૂનમ ગણીને જેમની પાસે ગયો હતો
એ તો હતી ઉદાસી, ઉજાણીના સ્વાંગમાં
‘ઘાયલ’ અમારે શુદ્ધ કવિતાઓ જોઈએ
દાસીના સ્વાંગમાં હો કે રાણીના સ્વાંગમાં
– અમૃત ઘાયલ
સ્વર : ઓસમાણ મીર
સ્વરાંકન : અમર ભટ્ટ