સાહિબો મારો ગુલાબનો છોડ– રઘુનાથ બ્રહ્મભટ્ટ
Oct 03
ગીત Comments Off on સાહિબો મારો ગુલાબનો છોડ– રઘુનાથ બ્રહ્મભટ્ટ
સાહ્યબો મારો ગુલાબનો છોડ,
વેલી હું તો લવંગની,
ઊડશું જીવનમાં જોડાજોડ,
પાંખો જેવી પતંગની.
આભલાનો મેઘ હું, તું મારી છે વીજળી,
કેસરને ક્યારડે કસ્તુરી આ ભળી.
રંગમાં ભીંજી, ભીંજાવાના કોડ,
મંજરી જેવી વસંતની.
સાહ્યબો સોહે કસુંબીનો રંગ :
ઓઢણી ઓઢી ઉમંગની.
– રઘુનાથ બ્રહ્મભટ્ટ
સ્વર :આશિત અને હેમા દેસાઈ
સ્વરાંકનઃ આશિત દેસાઈ