હવે એકલું અટુલું ના રહેવાય રે નાહોલિયા
May 24
ગીત, સંગીત સુધા Comments Off on હવે એકલું અટુલું ના રહેવાય રે નાહોલિયા
હવે એકલું અટુલું ના રહેવાય રે નાહોલિયા
જોને વાયરા વસંતના વાય
હો… નાહોલિયા
હવે એકલું ..
માંગ્યાં ઝાંઝર, માંગ્યાં ચૂડી ને કડલાં
સોના રૂપાએ મોહી લીધાં રે અબોલડાં
આજ ભૂલ મારી એ સમજાય ઓ નાહોલિયા
હવે એકલું
હે વ્હાલીડા વિજોગ તારો વસમો રે લાગે
રાત મારી જલતી કેસૂડાની આગે
આજ મુજથી રિસાઈ તું ન જા ઓ નાહોલિયા
હવે એકલું …
વ્હેલેરો આવ, હવે કશું હું ન માંગુ
તારી વાટડી જોતી હું રાત ‘દિ જાગુ.
વાગે ઢોલવ્ય ને દલડું અકળાય રે નાહોલિયા
હવે એકલું …
મને ખંભે ઉંચકી તું લઈ જા રે નાહોલિયા
જોજે જોબનિયું એળે ન જાય રે નાહોલિયા
હવે એકલું…..
– રવિન્દ્ર ઠાકોર
સ્વર : વિભા દેસાઈ
સ્વરાંકનઃ ક્ષેમુ દિવેટિયા