પડતી નથી યુગોથી જે એવી સવાર છું
Dec 14
ગઝલ Comments Off on પડતી નથી યુગોથી જે એવી સવાર છું
જ્વલંત છાયા
પડતી નથી યુગોથી જે એવી સવાર છું
આછો થતો નથી જે કદી અંધકાર છું
કોની મજાલ છે મને અડકી શકે જરા
પોતે જ જાત માથે થયો હું પ્રહાર છું
દેવાલયો ગયો છતાં સમજાયું છેવટે
મારો છે વાસ એમાં ને હું બહાર છું
જે તું કહે બધું જ ખરું. માનવું નથી
માને ભલેને લોક બધા કે નકાર છું
તોફાન થાય તો જ જરા ડાળ સળવળે
સૂકા થયેલ ઝાડ જેવો સૂનકાર છું
-જ્વલંત છાયા
સ્વરઃ ડો ભરત પટેલ
સ્વરાંકન :ડો ભરત પટેલ