ગુજરાતી સાહિત્ય

Click the link below to download :

Parpoto pani ma.mp3
 

પરપોટો પાણીમાં મુંઝાય હો ખલાસી,
પાણીમાં મુંઝાય હો રે, પાણીથી મુંઝાય,
પાણીથી કેમ કરી અળગા થવાય?
પરપોટો પાણીમાં મુંઝાય..

પાણીમાં બંધાણું એનું પોત હો ખલાસી,
અને પાણીમાં છપાણું એનું નામ.
સામગામ પરપોટા સોંસરો દેખાય,
અને પરપોટો ફૂટ્યો અહીંયા,
અરે પાણીમાં રહેવાને કાળીમાં ના રહેવા..
હો ખલાસી.. હો ખલાસી…
પરપોટો પાણીમાં મુંઝાય..

પાણીમાં દેખાય આખું આભ હો ખલાસી,
એમાં કેમ કરી ઉડવા જવાય,
પાંગળા તરાપા ને હોડીયું પાંગળી,
તે પાણીમાં તો એ ઉડે ભાઈ.
અરે પરપોટો કેવો રે નોંધારો ફૂટી જાય..
પરપોટો પાણીમાં મુંઝાય..

– રમેશ પારેખ

સ્વર : વૃંદગાન

Click the link below to download : Savita Nav Varsh Tano.mp3

સવિતા નવ વર્ષ તણો ઊગતો , પ્રભુ મંગલ પૂણ્ય પ્રભા ભરતો,
નવું જુનું ક્રમે વરસો ગણતો, પ્રભુ કાલ પ્રવાહ વહે હંસતો

નવવર્ષ પ્રભો નવડક તણું, રમણીય નવાડકન સામ્ય સ્મરું
પ્રભુ સ્નેહ સુવર્ધક વર્ષ નવું , નવવર્ષ પ્રભુ અવિકારી ચહું

ઊપકારી બનું ગત વર્ષ સ્મરી ,શું હું ગાન કરુ પ્ર્ભુશક્તિ નથી
ભર ચેતન જીવનમાં નવલું , કર આંતર દ્રષ્ટી વિકાસ વિભુ
ક્ષમતો પ્રભુ તું બળ દે ક્ષમવા , કરુણાનિધિ તું બલ દે સહેવા

પ્રભુ હો તુજ સ્નેહ અમિઝરણુ , વહતું વણમાંગ્યું અનંતગણું
અધિકાર વધાર વિલોકી શકું, પરભુ આંતરબાહ્ય અભિન્ન લડું
શું હું માંગી શકું પ્રભુ પામર છું, ઉચરું પરભુ આ અધૂરું મધુરું

– સાગર મહારાજ

Van Ni Te vat Ma.mp3

વનની તે વાટમાં તું ભૂલી પડી રે..(૨)
ચૂંદડી ભરાઈ તે કાંટાળા થોરમાં,

જોયું ન જોયું કરી રહી તું તો દોડતી (૨)
ફાટ ફાટ થાતાં જોબનનાં તોરમાં
વનની તે વાટમાં તું ભૂલી પડી રે..(૨)
વનની તે વાટમાં….

કાંટા બાવળનાં એ વીંધ્યે જોબનિયુંને..(૨)
વાયરામાં ચૂંદડીના ઊડે રે લીરાં,
વ્હેંટે વેરાઈને રઝળે છે તારા અને,
હૈયાના લોલકનાં નંદાતા હીરા..(૨)
વનની તે વાટમાં…

વનની તે વાટ મહીં તું પડે એકલી,
આવી ગઈ આડી એક ઊંડી રે ખાઈ(૨)
જાને પાછી તું વળી, સાદ કરે તારી જૂની વનરાઈ(૨)
વનની તે વાટમાં તું ભૂલી પડી રે..(૨)
વનની તે વાટમાં….
ચૂંદડી ભરાઈ તે કાંટાળા થોરમાં(૨)

જોયું ન જોયું કરી રહી તું તો દોડતી (૨)
ફાટ ફાટ થાતાં જોબનનાં તોરમાં,
વનની તે વાટમાં તું ભૂલી પડી રે..(૨)
વનની તે વાટમાં…

– ઝીણાભાઈ દેસાઈ- ’ સ્નેહરશ્મિ ‘

સ્વર : પરાગી પરમાર