Archive for November 4th, 2018

બધે સરખું નિહાળું હું

Sunday, November 4th, 2018

 

 

બધે સરખું નિહાળું હું મને એવી નજર  દે  જે,
નશો ઉતરે કદી ના આ મને એવી અસર  દે જે

બદનને ‘હું’ જ સમજે છે થઇ  છે કલ્પના  કેવી
મને આ ‘હું’ને દફનાવવા ગુરુ ગમની કબર દેજે

અનુભવ ખુદને રબનો થયો  છે   ખુદને   જાણી
ગુરુ. ચરણે   રહું કાયમ મને એવી  સફર દેે  જે

નયનના દ્વાર ઉઘડે  ને    બધે  દીદાર  તારો  છે
કદી   અંધકાર આવે ના મને એવી સહર દે  જે

કહે વીંટી કહે કુંડળ જુવો તો ઘાટ   સૌ   જુદા
અઘાટે શું રહ્યું ‘ચાતક’ મને એની ખબર દે  જે

– ગફુલ રબારી “ચાતક”

સ્વર :ઓસમાન મીર

સ્વરાંકન : જનમેજય વૈદ્ય