સાયબો મારો વાણી કરતાં યે  વેંત ઢૂંકડો

Comments Off on સાયબો મારો વાણી કરતાં યે  વેંત ઢૂંકડો

 

 


મનોહર ત્રિવેદી
 
સાયબો મારો વાણી કરતાં યે  વેંત ઢૂંકડો
કે થોડો સાચૂકલો ,ઝાઝેરો જૂઠડો  હો જી
વાણી કરતાં  યે  વેંત ઢૂંકડો …

એની ચપટીમાં કંકુના સાથિયા
ના રેલા સેંથી વચાળ ચાલિયા
રે થાય ઓછો ઓછોને અધૂકડો હો જી રે

વાણી કરતાં  યે  વેંત ઢૂંકડો …
પાંપણે આંસુ ઝૂલ્યાં  કે સંભારણાં ?
ઊઘડ્યાં  નીંદરમાં સાગમટે બારણાં
ઝૂરતો દિવાની શાગમ ઝરુખડો  હો જી રે
વાણી કરતાં  યે  વેંત ઢૂંકડો …

બાઈ, અમે નજરું સાંધી તડાક તૂટીએ
આંખ્યુંમાં ભરીએ ને જાતમાંથી ખૂટીએ
એમ ઓલ્યા દરિયાને કીધો ટચૂકડો હો જી રે
વાણી કરતાં  યે  વેંત ઢૂંકડો …

અંગૂઠો મરડી પિયુને જગાડશું
આછી આછી તે ફૂંકે વજાડશું
રે મારો વાલોજી વાંસનો છે ટૂકડો હો જી રે
વાણી કરતાં  યે  વેંત ઢૂંકડો …

– મનોહર ત્રિવેદી

સ્વર : સુહાની શાહ
સ્વરાંકન : એસ . સ્વરકાર


સૌજન્યઃ
આસિતકુમાર મોદી
નીલા ફિલ્મ પ્રોડકશન્સ પ્રા .લી.

સગપણના છે તાણાવાણા

Comments Off on સગપણના છે તાણાવાણા

 


 


મનોહર ત્રિવેદી
 
સગપણના છે તાણાવાણા
ઘરવખરીમાં સગપણના છે તાણાવાણા
ઘરવખરીમાં થોડા કાષ્ઠ , અડાયા  છાણા

બાપુજીના સ્ત્રોત વહેતાં  બા ના કંઠે
પ્રભાતિયામાં વા’તા વ્હાણા ઘરવખરીમાં
બચપણ નામે ફાટ્યું તૂટ્યું રઝળે પુસ્તક
સચવાયા  છે છૂટક પાના
સચવાયા  છે છૂટક પાના ,ઘરવખરીમાં

મળ્યા ભીડમાં કૈક સ્વજનવત સપનાં દોસ્તો
છોગામાં, મનગમતા ગાણા  ઘરવખરીમાં
ઘરવખરીમાં એક ગઝલની ઝીણી ચાદર
રાખ્યા બે ત્રણ આંસુ છાના ઘરવખરીમાં

– મનોહર ત્રિવેદી

સ્વરઃ જન્મેજય વૈદ્ય
સ્વરાંકન : જન્મેજય વૈદ્ય

સૌજન્યઃ
આસિતકુમાર મોદી
નીલા ફિલ્મ પ્રોડકશન્સ પ્રા .લી.

કોઈ જાતું હળવે હળવે

Comments Off on કોઈ જાતું હળવે હળવે

 

 


મનોહર ત્રિવેદી

 

કોઈ જાતું હળવે હળવે , કોઈ ઘા એ ઘા
તું તારી રીતે જા તને ગમે તો આ પા જાજે ,અથવા પેલી પાર
તું તારી રીતે જા

બંધ ઓરડા કદી ન ઝીલે કો’શ્રાવણ ની હેલી
ઊલટ થાય તો ખોલી દે તું તારા ઘરની ડેલી
દોટ  મૂકજે બજાર વચ્ચે દેહ ઉઘાડો મેલી
ને ફરી ફરી ને ન્હા

હોય અજાણ્યા કે જાણીતા ;છતાંય મલકે હોઠ
રોજ ધૂળેટી  ઊજવીએ માંગી નજરું ની ગોઠ
હળ્યા મળ્યા તો ઘેર ઉતારશે અવસરની કૈં  પોઠ
રે ઉતાવળો કાં  થા ?

કોઈ બાળકે  ફૂલ ચીતરતાં  મ્હોરી ઊઠી  ભીંત
પતંગિયાને કોણ શીખવે છે ઉડવાની રીત
કોયલને જ્યાં કહ્યું હતું કે ગા  ફાગણનું ગીત
તું ફાવે તે ગા

-મનોહર ત્રિવેદી

સ્વર : હેમંત જોષી
સ્વરાંકન : હેમંત જોષી

સૌજન્યઃ  આસિતકુમાર મોદી
નીલા ફિલ્મ પ્રોડકશન્સ પ્રા .લી.

અમે વસંતી સવાર લઈને ગયા

Comments Off on અમે વસંતી સવાર લઈને ગયા

 

 

અમે વસંતી  સવાર   લઈને   ગયા  ડાળખી પાસે
એણે ખોબોક  ફોરમ આપી  પીવા  શ્ચાસે  શ્ચાસે

ઝાકળમાં ન્હાઈને હમણાં થઈ ગઈ રાત   પસાર
ઉગમણી  પા   સૂર્યકિરણનો   થાશે  પદ  સંચાર
અમે વસંતી સવાર લઈને  ગયા   ડાળખી  પાસે
ધર ધરનાં સૌ દ્વાર ઊગડશે પુક્ષાપોનિ સહવાસે

વહે   છાંયની   નદીને   ઉપર ચાંદરણાની   નૌકા
દૂર  દૂરની  ખેપ   કરીને   આવ્યા    પંખી   ટૌકા
પવન લ્હેરખી ગુંજી  છુટ્ટી  મૂકી જ્યાં   વનવાસે
અમે વસંતી સવાર  લઈને ગયા   ડાળખી  પાસે

-મનોહર ત્રિવેદી

સ્વરઃ હિમાદ્રી બ્રહ્મભટ્ટ
સ્વરાંકન : કે. સુમંત

સૌજન્ય : આસિતકુમાર મોદી
નીલા ફિલ્મસ પ્રોડકશન્સ

કદી તું ઘર તજી ને

Comments Off on કદી તું ઘર તજી ને

કદી તું ઘર તજી ને રે
વગડે લીલા ઘાસમાં ઉગ્યા ફૂલ ઉડેલી ધૂળમાં તારી જાત ને ખો ને રે …

સુખ મોટું કે નામ નથી કાંઈ રે ,
બાગ બગીચા ગામ નથી કાંઈ રે ,
આવ અહીં તું ઊગવું અને તડકા છાયા રમવા સિવાય કામ નથી કાંઈ ;
અમે છૈ એમ તું હોને રે…

કેટલા સૂરજ કેટલા ચાંદા,
ગણવા તારે કેટલા દહાડા,
સાંપડ્યો સમય પગથી માથાબોળ જીવી લે, ગણવા જા માં ટેકરા ખાડા રે ;
જાગ્યો તો એમ તું સોને રે..

-ધ્રુવ ભટ્ટ

સ્વર : મેઘા ભટ્ટ અને શ્યામલ ભટ્ટ
સ્વરાંકન : શ્યામલ ભટ્ટ
સંગીતઃ કે. સુમંત

Older Entries

@Amit Trivedi