આભને ઘડૂલે દીપે દીવડો
Sep 27
ગીત Comments Off on આભને ઘડૂલે દીપે દીવડો
આભને ઘડૂલે દીપે દીવડો
માડી તારાં તેજને અંબાર જો
લાખલાખ તારલા ઝબુકતા માડી તારાં રૂપને શણગાર જો
આભને ઘડૂલે દીપે દીવડો
વાયા રે વાવલિયા માડી વ્હાલથી
વાયા વનવન મોઝાર જો, વાયા વનવન મોઝાર જો
આવ્યા રે અમરાપરના દેશથી
આવ્યા ધરણીને પાર જો
આભને ઘડૂલે દીપે દીવડો
નાનાં રે ઘડૂલા નાનાં દીવડા
નાનાં રે ઘડૂલા નાનાં દીવડા
ઝૂલતા ડૂલતા મઝધાર જો
તારાં રે રખવાળાં માડી દોહ્યલા
લાવો કાળને કિનાર જો
આભને ઘડૂલે દીપે દીવડો
– રમેશ જાની
સ્વર : પુરૂષોત્તમ ઉપાધ્યાય
સ્વરાંકન : પુરૂષોત્તમ ઉપાધ્યાય