ગુજરાતી સાહિત્ય

1.mp3
2.mp3
3.mp3
4.mp3
5.mp3
6.mp3
7.mp3
8.mp3
9.mp3
10.mp3
11.mp3
12.mp3
13.mp3
14.mp3
15.mp3

 
 

કે આભમાં તોરણ બંધાણાં ત્રિલોકનાં રે .mp3

 

કે આભમાં તોરણ બંધાણાં ત્રિલોકનાં રે
તારલીઓ ટોળે વળી નભચોક!
કે આભમાં તોરણ બંધાણાં ત્રિલોકનાં રે

કે ચંદનીએ વેરેલ તેજનાં ફૂલડાં રે
કે ફૂલડાંની ફોરમ ઝીલે નરલોક:
કે આભમાં તોરણ બંધાણાં ત્રિલોકનાં રે

કે વ્હાલમની વિલસે વ્હાલપની આંખડી રે
કે એહવું વિલસે ચન્દ્ર કેરું નેણ:
કે આભમાં તોરણ બંધાણાં ત્રિલોકનાં રે

કે કિરણે કિરણે અમૃત દેવનાં રે
કે એહ જળે હું ય ભરું હૈયાહેલ;
કે આભમાં તોરણ બંધાણાં ત્રિલોકનાં રે’

 
-કવિ ન્હાનાલાલ
 
સ્વર: ગાર્ગી વોરા અને હિમાલી વ્યાસ નાયક
સ્વારાંકન:અમર ભટ્ટ
 
 

 
 
તારો  વિચાર બારીના  પડદે  ઝૂલી  ગયો.mp3

 
 
તારો  વિચાર બારીના  પડદે  ઝૂલી  ગયો,
દૃશ્યોનો ભેદ એ  પછી દરિયે  ડૂબી  ગયો.

બે ડાળી વચ્ચે જાણે કે  તડકો  ગુલાબ છે,
મોસમનો  રંગ  કેટલો મીઠ્ઠો  બની  ગયો !

પથ્થરની    જેમ  હાંફતા પીળા  શહેરમાં,
મારા સમયના  મોરનો ટહુકો  તૂટી  ગયો.

આકાશ  આમતેમ   વીખરાઈ  જાય પણ,
એકાદ   સૂર્ય  ઊગવું  આજે  ભૂલી   ગયો.

એકાંતનો  પરિચય    કૈં  એ   રીતે   થયો,
સૂનકાર તારી યાદની જેમ જ ઊગી ગયો !

– શ્યામ સાધુ

સ્વર : કલ્પક ગાંધી
સ્વરાંકન : કલ્પક ગાંધી

સૌજન્ય : પિયુષ દવે , જુનાગઢ

 

મેં હજી મત્લા કર્યો છે.mp3

 
મેં હજી મત્લા કર્યો છે, ક્યાં ગઝલ આખી કહી છે?
તોય ડૂમો કરગર્યો છે, ક્યાં ગઝલ આખી કહી છે?

વાત જે ના થઈ શકી એનો નશો મિસરો બનીને,
ધીરે ધીરે વિસ્તર્યો છે, ક્યાં ગઝલ આખી કહી છે?

સાંજની ભીની હવા પરના રદીફનો હાથ ઝાલી,
કાફિયાને કોતર્યો છે, ક્યાં ગઝલ આખી કહી છે?

તેં કરેલા સૌ ખુલાસાઓની આગળ માત્ર મેં તો,
શેર આ સામો ધર્યો છે, ક્યાં ગઝલ આખી કહી છે?

-અંકિત ત્રિવેદી

  
સ્વર:આલાપ દેસાઈ
સ્વરાંકન :આશિત દેસાઈ

 

કોઈ મોઘમ આવ-જા.mp3

કોઈ મોઘમ આવ-જા બંને તરફ છે
પ્રેમની આબોહવા બંને તરફ છે

બારીઓમાંથી સમય સરકી ગયો ને
સાવ ખુલ્લી ધારણા બંને તરફ છે

શ્વાસ-ધબકારા-હૃદય હોઠે તરસ છે
ચાહવાની એકલા બંને તરફ છે

બેઉ કાંઠે શૂન્યતા વચ્ચે વહે જળ
એક સરખી વેદના બંને તરફ છે

એક પારિજાત ખરતું શ્વાસ છોડી
મ્હેકવાની એ મજા બંને તરફ છે
 
-ડો. પરેશ સોલંકી
સ્વર:ડો.ભરત પટેલ