ચહેરા મઝાના…
Jul 15
ગઝલ Comments Off on ચહેરા મઝાના…
ચહેરા મઝાના કેટલા રસ્તા ઉપર મળ્યા,
સાચું કહું કે એ બધા રસ્તા ઉપર મળ્યા.
મારો પ્રવાસ મારી રીતે ના થઈ શક્યો,
કૈં કેટલાયે કાફલા રસ્તા ઉપર મળ્યા.
બે ચાર વાત દિલની કદી ના થઈ શકી,
લાગે છે એમ, એ સદા રસ્તા ઉપર મળ્યા.
રસ્તો હવે ન સૂઝે, ન આગળ વધે ચરણ,
આ તે કહો તમે ક્યા રસ્તા ઉપર મળ્યા ?
એથી તો મારો રાહ સરળ થઈ ગયો બધે,
રસ્તા મને ઘણાબધા રસ્તા ઉપર મળ્યા.
-હરીન્દ્ર દવે
સ્વર : સોલી કાપડિયા અને જયદીપ સ્વાદિયા
સૌજન્ય : રંજનાબેન ખખ્ખર