ગુજરાતી સાહિત્ય

 
 
આજ વાદળીએ આખી રાત વરસ્યાં કીધું.
મેહુલાએ માંડી મીટ
ધરણીએ પ્રેમરસ પ્યાલું પીધું…

નદીઓનાં નીરમાંહી જોબન ચડ્યાં
એની ફાટ ફાટ કાય
એની છાતી ના સમાય
ટમકીને મેઘલાએ ચુંબન મઢયાં …

ઉરને એકાન્ત ગોખ એકલતા આરડે !
કોઈ આવો વેચાઉં,
જ્યાં દોરો ત્યાં જાઉં;
મારાં અંગ અંગ ભૂખ્યાં,
ઝરો પ્રેમરસ! સૂક્યાં;લઇ જાઓ!
આ એકલતા શેય ના સહાય!
વર્ષા રડે, રડું હું તોય ના રડાય…આજ
 
– કૃષ્ણલાલ શ્રીધરાણી
 
સ્વર: ગાર્ગી વોરા
સ્વરાંકન : અમર ભટ્ટ
વાદ્યસંગીત નિયોજન: અમિત ઠક્કર