દાન દે, વરદાન દે, પ્રભુ દાન દે
Oct 01
ગીત Comments Off on દાન દે, વરદાન દે, પ્રભુ દાન દે
દાન દે, વરદાન દે, પ્રભુ દાન દે
નરસિંહ અને મીરાં સમા
કંઠમાં કઈ ગાન દે…………. દાન દે …
વૈભવ તારા રૂપનો, ઝીલી શકું એ ભાવ દે
તારા વિના તડપી મરું, એવા કલેજે ઘાવ દે :
વસંત જ્યાં વરસે કૃપાની, એવા ઊરે વેરાન દે..દાન દે ..
કંપી ઊઠે તારો વીણાના તારા જ કેવળ રાગમાં
મઘમઘે આ ફૂલ મનનું, તારા પ્રેમ પરાગમાં
ભાળી શકું સર્વત્ર તુજને, એવું આતમ જ્ઞાન દે..દાન દે…
-જયંત પલાણ
સ્વર : મધુસૂદન શાસ્ત્રી અને વૃંદ
સ્વરાંકન :ક્ષેમુ દિવેટિયા