વર્ષો પછી તોરણ….
Feb 15
ગઝલ Comments Off on વર્ષો પછી તોરણ….
વર્ષો પછી તોરણ તૂટેલાં એમણે જોયાં હશે.mp3
વર્ષો પછી તોરણ તૂટેલાં એમણે જોયાં હશે
પત્ર વાંચીને પછી તો ખુબ એ રોયાં હશે
એટલે ફૂલો હવે ઝાઝું અહીં જીવતા નથી
એમણે તો આંગણમાં ઝાકળ વડે ધોયા હશે.
એક પરપોટો લીધો પકડી ઉતાવળમાં અને
લાખ દરિયાં હાથમાંથી એમણે ખોયાં હશે.
એ રડે છે રોજ મધરાતે હવે શાને અહીં
દૂરથી દીવા પરાયા ગામમાં જોયા હશે.
જિંદગી આખી ભલે નફરત કરી મુકેશથી
જોઈ રૂપાળી લાશને એ હવે મોહ્યાં હશે
– મુકેશ માલવણકર
સ્વર : ગિરિરાજ ભોજક
સ્વરાંકન : જયદેવ ભોજક