હજુ પણ તમારી સતત યાદ આવે
May 13
ગીત Comments Off on હજુ પણ તમારી સતત યાદ આવે
હજુ પણ તમારી સતત યાદ આવે
હજુ પણ રમેલી રમત યાદ આવે
તમે આંસુઓને જે પાલવથી લૂછ્યાં
ભીની લાગણીની મમત યાદ આવે
મહેકતા ફૂલોને હું જોવું છું જ્યારે
ગૂંથેલી તે માળા તરત યાદ આવે
કહેવા ચાહું નામ તારું હું સૌને
પણ નક્કી કરેલી શરત યાદ આવે
રગેરગ હું મહેકું છું તારે લીધે તો
પળેપળ વીતેલો વખત યાદ આવે
– મેઘબિંદુ
સ્વર : સોલી કાપડિયા
સ્વરાંકન : સુરેશ વાઘેલા