Click the link below to download
Jag Ne Khatir Jage.mp3
 

જગ ને ખાતર જાગે , સાહિબ જગને ખાતર જાગે
છેક ભાંગતી રાતે, જાતે ઊંડુ તળિયું તાગે,
સાહિબ જગ ને ખાતર જાગે …

માળા ના મણકા આપે છે, હળવેથી હોંકારો,
સાખ પૂરે છે પાછો, ધખતી ધૂણી નો અંગારો,
મન માને નહીં એનું , આ કાયા ના કાચા ધાગે,
સાહિબ જગ ને ખાતર જાગે …

પરમારથ ને પંથ , પંડ નું પોત પીગળી જાતું,
કોઇ આંખ માં આથમતું આંસુ એને વંચાતુ,
વાયુ થઇ ને શ્વાસે શ્વાસેરોજ વિહરતા લાગે
સાહિબ જગને ખાતર જાગે …

છેક ભાંગતી રાતે, જાતે ઊંડુ તળિયું તાગે,
સાહિબ જગ ને ખાતર જાગે …

– નીતિન વડગામા

સ્વર : ઓસમાણ મીર