ગુજરાતી સાહિત્ય

Click the link below to download

Ramta Ramta Ladi Pade Bhai Manas Chhe.mp3

 

રમતાં  રમતાં  લડી પડે ભૈ માણસ છે
હસતાં  હસતાં  રડી  પડે ભૈ માણસ છે

પહાડથી  યે  કઠ્ઠણ  મક્કમ  માણસ છે
દડદડ દડદડ દડી પડે,  ભૈ માણસ છે

ચંદર  ઉપર ચાલે ચપચપ માણસ છે
ને  બે  ડગલે  ખડી  પડે, ભૈ માણસ છે

સૂર્યવંશીનો  પ્રતાપ  એનો  માણસ છે
ભરબપ્પોરે  ઢળી  પડે,  ભૈ  માણસ છે

પૂજાવા ઝટ થયા પાળિયા માણસ છે
ટાણે  ખોટ્યું  પડી  પડે,  ભૈ માણસ છે

– જયંત પાઠક

સ્વર : શ્યામલ – સૌમિલ મુન્શી