વિવેક મનહર ટેલર
Oct 02
ગઝલ Comments Off on વિવેક મનહર ટેલર
મનાવી ના શકે તું એ રીતે ક્યારેય નહીં રૂઠું
છતાં માનું નહીં તો માનજે એ રુસણું તું જૂઠું.
ઉઘાડો તો ખબર પડશે છે પાનાં યાદનાં કેવાં ?
ઉપર તો માત્ર દેખાશે સદા બરછટ , કઠણ પૂંઠું
દીવાલો ફાડીને જો પીપળો ઊગી શકે છે તો
કદી શું કોઈ મોસમમાં નહીં પર્ણાય આ ઠૂંઠું?!
સરાણે શ્વાસની કાયમ અમે શબ્દોની કાઢી ધાર
ફક્ત એ કારણે કે કાવ્ય કોઈ ના રહે બૂઠું.
અને એકાદ દિવસે ઊંઘ થોડી લાં …બી થઈ જાશે ,
મને ઊઠાડવાને માટે મથશે તું , નહીં ઊઠું !
– વિવેક મનહર ટેલર