ઘેઘૂર થઈ ગયો છે
Jul 30
ગઝલ Comments Off on ઘેઘૂર થઈ ગયો છે
ઘેઘૂર થઈ ગયો છે વર્ષાનો શામિયાણો
આકાશને ધરા છે મલ્હારનો ઘરાણો
ગુજરીમાં જઈને પુસ્તક જૂનું ખરીદ્યું કિંતુ
ઉથલાવતા મળ્યો એક કાગળ બહુ પુરાણો
બુદ્ધિને લાગણીઓ જકડાયેલો ઝૂરાપો
માણસ ઊપર પડે છે, ચોમેરથી દબાણો
ડૂબી જશે કે તરશે આ કાળના પ્રહારે
મેં લોહીથી કર્યા છે મારા બધાં લખાણો
– ભગવતીકુમાર શર્મા
સ્વર : ગાર્ગી વોરા
સ્વરાંકન : આલાપ દેસાઈ