ગની દહીંવાલા
Apr 29
ગઝલ Comments Off on ગની દહીંવાલા
હ્રદય ! થાકી ગયું આ પંથની આબોહવાથી શું ?
સમયને આ દિશામાં ધૂળ ખાતો રાખવાથી શું ?
ભરીને આંખમાં પાણી સૂરજને દેખવાથી શું ?
કે એ છલના નો સર્જક કમ હશે કંઈ ઝાંઝવાથી શું
પડયાં તો છો પડ્યા,અહીં ધ્રૂજતી ધીરજના પડછાયા
લથડતી ચાલ, ઠાલું પાત્ર, સંયમ રાખવાથી શું ?
ફલક પર જિંદગીના ભૂલથી ભટકયા ચલો મંજુર
ગ્રહો નબળા કહી, નભને ઉતારી પાડવાથી શું ?
‘ગની’ ગીતોની ટહુકાની તરહ બદલાય ઉદ્યાને
પુરાણી ડાળનાં પંખી બનીને બની બેસવાથી શું ?
– ગની દહીંવાલા