દીવડો ધરો રે પ્રભુ દીવડો ધરો પ્રહર વોરા
May 14
ગીત Comments Off on દીવડો ધરો રે પ્રભુ દીવડો ધરો પ્રહર વોરા
દીવડો ધરો રે પ્રભુ દીવડો ધરો,
તનનાં મનનાં તિમિર હરો.
માયા નગરનાં રંગ-રાગમાં કાયા આ રંગાણી,
ભવસાગરમાં ભમતાં ભમતાં પીધાં ખારા પાણી,
દુ:ખડા સર્વે દૂર કરો.. દીવડો ધરો રે.
સ્વારથની આ દુનિયા માંહી આશા એક તમારી,
જીવન કેરાં સંગ્રામે જો જો જાઉં ના હું હારી,
હૈયે ભક્તિભાવ ભરો. દીવડો ધરો રે.
સ્વર : પ્રહર વોરા
સ્વરાંકન : ગૌરાંગ વ્યાસ