ધુમ્મસના પહાડમાંથી
May 20
ગઝલ Comments Off on ધુમ્મસના પહાડમાંથી
ધુમ્મસના પહાડમાંથી વહેતું ઝરણ તે હું
પાષાણના ગગનથી ફૂટેલું કિરણ તે હું
ઢાંકી દો એમાં શ્વાસની સૂક્કી ખજુરીઓ
વેરાન પરની ચાંદનીશુુ આવરણ તે હું
ભણકાર પામવાની ના કોશિશ કરો હવે
ચાલ્યા ગયેલા દૂર અટુલા ચરણ તે હું
ક્ષણમાં ખરી પડયા આ ક્ષણો કેરા પાંદડા
જેને નિહાળી લીધું સમયનું મરણ તે હું
ખોબો ભરીને આપજો મૃગજળની અંજલી
જેમાં દટાયા કંઈક હરણ એવું રણ તે હું
-ભગવતીકુમાર શર્મા
સ્વર :નયનેશ જાની
સ્વરાંકન : ક્ષેમુ દિવેટિયા