મારા જખમ ને દર્દ
Aug 07
ગઝલ Comments Off on મારા જખમ ને દર્દ
મારા જખમ ને દર્દમાં કુદરતનો ભાગ છે
કે ચાંદમાં છે દાગ ને સૂરજમાં આગ છે
કહે છે કે શ્રેષ્ઠ સ્થાન પ્રણયમાં છે ત્યાગનું
એ સત્ય હો તો જાઓ, તમારોયે ત્યાગ છે
મહેકી રહી છે એમ મુહોબ્બત કલંક થઈ
જીવનના વસ્ત્ર પર કોઇ અત્તરનો દાગ છે
‘બેફામ’ તારી પ્યાસને નથી કોઈ જાણતું
ને સૌ કહે છે પ્રેમના પાણી અતાગ છે
-બરકત વિરાણી ‘બેફામ’
સ્વરઃ આશિત દેસાઈ
સંગીતઃ તલત અઝીઝ