જા રે કોયલડી આંબલીયે જા
Apr 24
ગીત Comments Off on જા રે કોયલડી આંબલીયે જા
જા રે કોયલડી આંબલીયે જા
મહિયર ની માયા મેલી દે ને મીઠડી
જા તારા પ્રિયતમની સાથે રે જા
મહિયર છોડીને તારે સાસરિયે જા
લીલુડા વનની ઓ રે કોયલડી
પ્રીતના રે ટહુકા વેરજે કોયલડી
માવડીના કાળજાનો કટકો કોયલડી
અંતરના આશિષ ઝીલજે કોયલડી
આંબલિયે મહોરશે મીઠી રે મંજરી
હૈયાના હેતે વાગે પ્રીતની રે ખંજરી
સ્નેહ ની સુવાસ લઈ સાસરિયે સંચરી
ગુણલાનો દાયજો દીપાવજે કોયલડી..
-મહેશ સોલંકી “બેનામ”
સ્વર : પ્રગતિ મહેતા વોરા
સ્વરાંકન : અબ્દુલભાઈ ખાવરા