RSSઆજ વાદળીએ આખી રાત વરસ્યા કીધું
Jun 15
ગીત Comments Off on આજ વાદળીએ આખી રાત વરસ્યા કીધું
આજ વાદળીએ આખી રાત વરસ્યા કીધું
મેહુલાએ માંડી મીટ;
ધરણીએ પ્રેમરસ પ્યાલું પીધું!
નદીઓનાં નીર માંહી જોબન ચડ્યાં
એની ફાટ ફાટ કાય;
એની છાતી ના સમાય;
ટમકીને મેઘલાએ ચુંબન મઢયાં!
ઉરને એકાંત ગોખ એકલતા આરડે !
કોઈ આવો વેચાઉ;
જ્યાં દોરો ત્યાં જાઉં;
મારા અંગ અંગ ભૂખ્યાં;
ઝરો પ્રેમરસ! સૂક્યાં;લઇ જાઓ !
આ એકલતા શેય ના સહાય!
વર્ષા રડે, રડું હું તોય ના રડાય!
– કૃષ્ણલાલ શ્રીધરાણી
સ્વર : ગાર્ગી વોરા
સ્વરાંકન : અમર ભટ્ટ
સંગીત : અમિત ઠક્કર
