RSSલાલી મેરે લાલકી
Jun 24
ગઝલ Comments Off on લાલી મેરે લાલકી
સંજુ વાળા
Click the link below to download
લાલી મેરે લાલકી જિત દેખું તિત લાલ
નભના નેવેથી સતત અઢળક ઢળતું વ્હાલ
તળમાં રમતી વીજળી પ્રગટ થશે અબહાલ
મુઠ્ઠીમાં લઈને શિખા ખેંચી કાઢી ખાલ
કરતું છાનાં ડોકિયાં ઘટમાં બેઠું વ્યાલ
ઓળખવું અઘરું પડે ઓળખીએ તો ન્યાલ
આ તે કેવા દીધા દિન કરીએ કયાં ફરિયાદ
બહુ હલાવ્યા હાથ પણ વાગી નહીં કરતાલ
નવતર નાતો જાણીએ જળઝીણો અણુબંધ
શિકારા તારા સ્મરણ મન મારું છે દાલ
રૂમઝૂમ રણકે ખંજરી ધ્રાંગ ધડૂકે ઢોલ
વચ્ચે ભીતરનો મૃદુ સાવ અનોખો તાલ
વિકસતા નીચે નમે નિશદિન દે સુગન્ધ
સાધો એવા વૃક્ષની છો કડવી હો છાલ
– સંજુ વાળા
સ્વરાંકન : ડો ભરત પટેલ
સ્વર : પ્રહર વોરા
( પ્રથમ પંક્તિ સંદર્ભ – સંત કવિ કબીર સાહેબ )
