મૈયા મારો મનવો હુઓ રે બૈરાગી
Apr 07
ગીત Comments Off on મૈયા મારો મનવો હુઓ રે બૈરાગી
મૈયા મારો મનવો હુઓ રે વૈરાગી
મારી લય તો ભજનમાં લાગી રે
સંસાર વેવાર મુને સરવે વિસરિયો રે
બેઠો સંસારિયો ત્યાગી રે
કામ ને કાજ મુને કડવાં રે લાગે
મારા મનડાની મમતા જાગી રે
મંત્ર સજીવન શ્રવણે સાંભળ્યો રે
માંહી મોરલી મધુરી ધુન લાગી રે
રાજ મોરાર ને રવિગુરૂ મળ્યા
ભગતી ચરણની માંગી રે
-મોરાર સાહેબ
સ્વર :પુરુષોત્તમ ઉપાધ્યાય
સ્વરાંકન :ક્ષેમુ દિવેટિયા