એવું તો કૈં ભાળી બેઠાં
Jul 03
ગઝલ Comments Off on એવું તો કૈં ભાળી બેઠાં
![](http://gujaratigazal.com/wp-content/uploads/2020/10/bharat.jpg)
ડો ભરત પટેલ
એવું તો કૈં ભાળી બેઠાં.
અંતરને અજવાળી બેઠાં !
ચ્હેરા ઊપર ચ્હેરો મૂકી,
આસુંઓને ખાળી બેઠાં.
સગપણનાં આ જંગલ વચ્ચે,
જાત અમારી બાળી બેઠાં.
એથી તો આ સાંજ ઢળી છે,
પાંપણને એ ઢાળી બેઠાં.
શાતા ક્યાંથી મળશે અમને !
અંગારા પંપાળી બેઠાં.
– મુકેશ દવે
સ્વર : ડો. ભરત પટેલ
સ્વરાંકન : ડો. ભરત પટેલ