હરિ હું અડધો પડધો જાગું
Aug 04
ગીત Comments Off on હરિ હું અડધો પડધો જાગું
હરિ હું અડધો પડધો જાગું
તને શોધવા ક્યાં સુધી હું મારામાંથી ભાગું?
ઝળઝળિયાનો રસ્તો
એમાં કાગળની છે હોડી
તને પામવા મારી અંદર
કરતો દોડાદોડી .
હરિ, તને હું કોઈ દિવસ નહીં રાધા જેવો લાગું ?
તેં જ ઘડી, ને તેં જ તપાવી
તેથી ઝળહળ કાયા
તેં જ પૂર્યા છે રંગો એમાં
તેં જ પૂર્યા પડછાયા.
મારી ચુપકીદી તું સમજે – બસ એટલું માંગું !
-અંકિત ત્રિવેદી
સ્વર : નયન પંચોલી
સ્વરાંકન : નયન પંચોલી