જગત જીતવા જઈએ…
May 21
ગીત Comments Off on જગત જીતવા જઈએ…
જગત જીતવા જઈએ, સાધો !
જગત જીતવા જઈએ !
પ્રાણ મુઠ્ઠીમાં લઈએ, સાધો !
જગત જીતવા જઈએ !
દિશા કાલનાં મેરુ હિમાચલ,
હથેલી માંહીં સમાયા;
જલધિનાં જલ જતાં ઓસરી,
વડવાનલ હોલાયા, સાધો !
જગત જીતવા જઈએ !
વનરાજિની ચામર લે,
અરણ્ય આસન આપે;
મરુત મંદ કે ઝંઝાવાતો,
ક્ષુધાતૃષાને કાપે, સાધો !
જગત જીતવા જઈએ !
-રમણલાલ વસંતલાલ દેસાઇ
સ્વર : આશિત દેસાઈ, ગૌરવ ધ્રુ, સોલી કાપડીઆ
સ્વરાંકન : આશિત દેસાઈ