જાત સાથે વાતમાં વીતી ગઈ
Apr 24
ગઝલ Comments Off on જાત સાથે વાતમાં વીતી ગઈ
જાત સાથે વાતમાં વીતી ગઈ.
રાત ઝંઝાવાતમાં વીતી ગઈ.
પ્રેમ, પીડા, લાગણી કંઇ ના મળ્યું,
જિંદગી અર્થાતમાં વીતી ગઈ.
જે મળ્યા આઘાત દિવસે એ વિશે,
રાત પ્રત્યાઘાતમાં વીતી ગઈ.
ક્યાં હયાતીની કરી છે મેં કદર,
રોજની દરખાસ્તમાં વીતી ગઈ.
આજ એનું નામ આવ્યું હોઠ પર,
બે ઘડી નિરાંતમાં વીતી ગઈ.
– મેગી આસનાની
સ્વરઃ રાગ મહેતા
સ્વરાંકન : રિષભ મહેતા
સંગીતઃ ઝલક પંડ્યા