હાં રે માં આરાસૂરથી આવ્યા
Jul 13
ગીત Comments Off on હાં રે માં આરાસૂરથી આવ્યા
હાં રે માં આરાસૂરથી આવ્યા
આવ્યા મારે આંગણે માં ખમ્મા ખમ્મા
સૂર તેજ માને નેણલે ચમકે
ચંદાની શીલી છાયા છલકે
નવલખ તારાના મોતી માંની વાણીથી ઝરે
આવ્યા મારે આંગણે માં ખમ્મા ખમ્મા
દૂર દૂરથી માં ચોક માં ઊતર્યા
ઝુકી ઝુકી ને માં ગરબે ઘુમતા
રણઝણ ઝાંઝર વાગે ઢોલીના તાલે તાલે
આવ્યા મારે આંગણે માં ખમ્મા ખમ્મા
તાળી દૈ માડી ફરે ગોળ ફૂદડી
વાયરે ઊડે એની લાલ ચટક ચૂંદડી
ઝગમગ જ્યોતીની સેર સોના દિવડી યે સેજ
આવ્યા મારે આંગણે માં ખમ્મા ખમ્મા
– મેઘલતા મહેતા
સ્વર : હેમા દેસાઈ
સ્વરાંકન : વિક્રમ પાટીલ
સંગીત : આશિત દેસાઈ