વાલમિયા તારે રે ભણકારે
Dec 14
ગીત Comments Off on વાલમિયા તારે રે ભણકારે
વાલમિયા તારે રે ભણકારે
મારા જંતરના તારે સોણલાની ચાલી રે વણઝાર
વાલમિયા તારે રે ભણકારે
પ્રીત્યું રે પૂરવની મારે અંતરિયે જાગે
ને મુને ઝબકારો લાગે
મીઠા રે અજંપા કેરું જંતરિયું વાગે
ને મુને ઝણકારો લાગે
લાગે જાણે રૂપનો અંબાર
વાગે જાણે માયા કેરા તાર
વાલમિયા તારે રે ભણકારે
ભમતી રે રાતે મારું દલડું રે ભાંગે
ને મુને એકલું રે લાગે
જાગતી રે રાતે મારે મનમોજી જાગે
ને મુને લગની રે લાગે
ભાંગે મારો ભવેભવનો ભાર
જાગે જાણે સોનેરી સંસાર
વાલમિયા તારે રે ભણકારે
મારા જંતરના તારે સોણલાની ચાલી રે વણઝાર
વાલમિયા તારે રે ભણકારે
-ભાસ્કર વોરા
સ્વરઃ મિતાલી સિંહ
સ્વરાંકન : રસિકલાલ ભોજક
સૌજન્ય : ગિરીશ ભાઈ, લંડન અને પ્રતિક મહેતા