લાગી રે લગન
Jan 19
ગીત Comments Off on લાગી રે લગન
લાગી રે લગન
પિયા તોરી લાગી રે લગન
અરે પિયા તોરી લાગી રે લગન
રેણ રે ઝુમેલી બરિખન માસની
રુમઝુમ રેલ્યો અંધકાર
રેણ રે ઝુમેલી બરિખન માસની
રુમઝુમ રેલ્યો અંધકાર
ભીને રે અંચલ ભમતી રાનમાં
ફૂલની ફોરમનો લઈ ભાર
વીજને તેજે તે પેખું પંથને
ઉરમાં એક રે અગન
લાગી રે લગન
પિયા તોરી લાગી રે લગન
અરે પિયા તોરી લાગી રે લગન
તમરાં બોલે રે તરુવર પુંજમાં
જલપે ઝરણાં હજાર
તમરાં બોલે રે તરુવર પુંજમાં
જલપે ઝરણાં હજાર
અડધી રાતે યે મનનો મોરલો
મારો ગાયે રે મલાર
આભ રે વીંટાયું અવની અંગને
એવાં મિલને મગન
લાગી રે લગન
પિયા તોરી લાગી રે લગન
અરે પિયા તોરી લાગી રે લગન
પિયા તોરી લાગી રે લગન
પિયા તોરી લાગી રે લગન
-રાજેન્દ્ર શાહ
સ્વર: મન્ના ડે
સંગીતઃ નિનુ મઝુમદાર