તારો છેડલો તું
Apr 14
ગીત Comments Off on તારો છેડલો તું
તારો છેડલો તું માથે તું માથે રાખને જરા
આતો ચૈતર વૈશાખનાં વાયરા
તારી વેણીની મ્હેક જાશે ઉડી
આતો ચૈતર વૈશાખનાં વાયરા
અંગારા વેરતો તડકાનો તોર કાંઈ
અંગારા ઝીલતો આંખ્યુંનો તોર કાંઈ
તારી આંખ્યું અધોકડી તું રાખને જરા
આતો ચૈતર વૈશાખનાં વાયરા
ઊનાયે વાયરા ને પાલવડે પુરનાં
ઉછળતાં ઓરતા છે ઉના તે ઉરના
તારા હૈયા પર હાથ અલી રાખને જરા
આતો ચૈતર વૈશાખનાં વાયરા
– નંદકુમાર પાઠક
સ્વર : પુરષોત્તમ ઉપાધ્યાય
સ્વરાંકન: દિલીપ ધોળકિયા