ઝૂંટવી બીજાનો ગુલમ્હોર
Oct 15
ગીત Comments Off on ઝૂંટવી બીજાનો ગુલમ્હોર
ઝૂંટવી બીજાનો ગુલમ્હોર નહીં લઈએ
આપણે હો બાવળ તો એની હેઠ રહીએ
ક્યાં રહીએ એની વડાઇ નથી કાંઈ
રહીએ કઈ રીતે એનો મહિમા છે આંહી
પારકાનો વૈભવ ને પારકાનું સુખ
નરવી નજરુંથી જુએ એને શાં દુ:ખ ?
ઊંઘ દિયે તે ભોંને સુખશય્યા કહીએ !
પારકાંને પોતીકાં કરવાની ટેક-
હોય એ પહોંચે શિખર સુધી છેક
દરવાજા આપણા ના રાખીએ જો બંધ
બીજાના બાગની પમાય તો સુગંધ
ઉમળકો સમભાગે સૌને દઈ દઈએ !
-રમેશ પારેખ
સ્વરઃ સુરેશ જોશી અને નેહા પારેખ
સ્વરાંકન : સુરેશ જોશી
સૌજન્ય :સંજય રાઠોડ સુરત