સાવ અજાણી વાટે
May 21
ગીત Comments Off on સાવ અજાણી વાટે
સાવ અજાણી વાટે મરે આગળ જાવું છે
પથ્થરમાં પણ ફૂલ ખીલવવા પાણી પાવું છે.
મના કરીને આંસુડાં ને આંખ વૃથા ભિંજવશો ના
ઘાવ સહી ને કુણાં હૈયાં જુલમને પાયે પડશો ના
હસતાં હસતાં આ જીવનનું ગીતડું ગાવું છે
પથ્થરમાં પણ ફૂલ ખીલવવા પાણી પાવું છે.
અંજલિ લઈ આવી અમૃતની ઝેર મળે પીવાને
ડૂબી જવાશે તરતાં તરતાં શું ડર મરજીવા ને
સંકલ્પ ધર્યો છે આ શ્રધ્ધા એ ચાહવું તે ચાહવું છે
પથ્થરમાં પણ ફૂલ ખીલવવા પાણી પાવું છે.
– પ્રફુલ્લ દેસાઈ
સ્વર: હર્ષિદા રાવળ
સ્વરાંકન: અહેમદ દરબાર