RSSઆંસુ વિણ ફરફરવાનું
Aug 27
ગઝલ Comments Off on આંસુ વિણ ફરફરવાનું
પુરૂષોતમ ઉપાધ્યાય
[wonderplugin_audio id=”136″]
Click the link below to download
આંસુ વિણ ફરફરવાનું દુ:ખ કોને કહેવું
સાવ સૂકું ઝરમરવાનું દુ:ખ કોને કહેવું
અને અતળના મરજીવાને ક્યાં ધકેલ્યાં
કોરાં મૃગજળ તરવાનું દુ:ખ કોને કહેવું
કોઈ તજેલા સ્થળનાં સ્મરણો પગને વળગે
એ બંધન લઇ ફરવાનું દુ:ખ કોને કહેવું
કશાય કારણ વિના ઉદાસી નિત મ્હોરે ને
પર્ણ લીલા નિત ખરવાનું દુ:ખ કોને કહેવું
કંઇ જ લખાતું ના હો એવા દિવસો વીતે
ઠાલા શ્વાસો ભરવાનું દુ:ખ કોને કહેવું
– મનોજ ખંડેરિયા
સ્વર : પુરુષોત્તમ ઉપાધ્યાય
