નવે નગરથી ચોળ ચૂંદડી વાપરી
May 25
ગીત, સંગીત સુધા Comments Off on નવે નગરથી ચોળ ચૂંદડી વાપરી
નવે નગરથી ચોળ ચૂંદડી વાપરી
આવી રે અમારલે દેશ રે
વોરો રે દાદા ચૂંદડી
ચૂંદડિયું ને ચારે છેડે ઘૂઘરી
વચમાં આલેખ્યાં ઝીણાં મોર રે
વોરો રે દાદા ચૂંદડી
સંકેલું ત્યાં ઘમકે રૂડી ઘૂઘરી
ઉખેળું ત્યાં ટહુકે ઝીણાં મોર રે
વોરો રે કાકા ચુંદડી
રંગ દેરી ચુનરી રંગ દે રંગરંજવા
ચુનરી જો પિયા મન ભાઈ લો
આઇ લો મોરે મંદિરવા
મનકે ભાવનવા….. રંગદેરી
અમદાવાદી ચોળ ચૂંદડી વાપરી
આવી રે અમારલે દેશ રે
વોરો રે દાદા ચૂંદડી
સંકેલું યાં ઘમકે રૂડી ઘૂઘરી
ઉખેળું ત્યાં જગમોહનની ભાત રે
વોરો રે કાકા ચૂંદડી
સજહું સિંગાર મૈતો સાજન સાજન પાઇ લો
જો પિયા ઘર આવે આનંદ બધાઈ ગાઇ લો
આઈ લો મોરે મંદિરવા, મન કે ભાવનવા….. રંગદેરી …
ચંદડિયું ને ચારે છેડે ઘૂઘરી
વચમાં આલેખી પોપટ વેલ રે
વોરો રે મામા ચૂંદડી
સંકેલું ત્યાં ચમકે રૂડી ઘૂઘરી
ઉખેળું ત્યાં પોપટ બોલે વેણ રે
વોરો રે મામા ચૂંદડી
– લોકગીત / પારંપારિક