હું તો અંધારે મોર બેઠી ભરવા
Jul 16
ગીત Comments Off on હું તો અંધારે મોર બેઠી ભરવા
હું તો અંધારે મોર બેઠી ભરવા,
ને મોરલો અધૂરો રહ્યો;
નથી સોયમાંથી નીકળતો દોરો,
ને મોરલો અધૂરો રહ્યો.
પડી દોરમાં થોકબંધ ગાંઠયું,
ને મોરલો અધૂરો રહયો;
હું ગૂંચભર્યા દોરાનો ઢગલો,
ને મોરલો અધૂરો રહયો.
બહાર ચોમાસું સાંકળ ખખડાવે,
ને મોરલો અધૂરો રહયો;
-અનિલ જોશી
સ્વરાંકન: રાસબિહારી દેસાઈ
સ્વર:વિભાબહેન દેસાઈ