પછી એક ભાષા ગયેલી પ્રવાસે
Jun 15
ગઝલ Comments Off on પછી એક ભાષા ગયેલી પ્રવાસે
પછી એક ભાષા ગયેલી પ્રવાસે
પછી શબ્દ પેલો કવિ થઈ ગયેલો
પછી શેરીઓ પર ઝૂકયા ગુલમહોરો
પછી જૂઈને હું ય મળવા ગયેલો
પછી ક્યાંક તસતસતાં પ્યાલાં રડેલાં
પછી ક્યાંક દરિયોય સૂનો થયેલો
પછી લીલું લીલુંય ભગવો થયેલું
પછી સ્પર્શવામાય સોપો પડેલો
પછી ત્યાં જ ભાષા એ ખાધું લથડિયું
પછી શબ્દ પેલો જ લિસ્સો થયેલો
– શ્યામ સાધુ
સ્વર: ડો. ભરત પટેલ
સ્વરાંકન : ડો. ભરત પટેલ