RSSધરતી પર આરો નથી
Nov 11
ગીત Comments Off on ધરતી પર આરો નથી
ધરતી પર આરો નથી
તો દરિયા બાજુ વળીએ
ચાલ તળિયે જઈને મળીએ
ઉપરનું આકાશ ને એનો
સુરજ છે ઈર્ષાળુ
રાત વરતના મળવા ઉપર
ચાંદા જેવું તાળું
આ રસ્તો દેખાડ્યો પેલી
સોનેરી માછલીએ
ચાલ તળિયે જઈને મળીએ….
જળ વેલ્યુ વીંટળાઈ વળીને
વિવાહ મંડપ રચશે
જળમાં બીજું જળ
ભળવાના ઉત્સવને ઉજવશે
ગોર બની ફેરવશે ફેરા
તળના તરંગ તળિયે
ચાલ તળિયે જઈને મળીએ…..
– હર્ષદ ચંદરાણા
સ્વર : રિયા શાહ અને જન્મેજય વૈદ્ય
સ્વરાંકન : જન્મેજય વૈદ્ય
