અખંડ ઝાલર વાગે ઘટ મેં
Jun 07
ગીત Comments Off on અખંડ ઝાલર વાગે ઘટ મેં
અખંડ ઝાલર વાગે ઘટ મેં
અખંડ ઝાલર વાગે
નિદ્રાધીન જીવ જાગે ઘટ મેં
અખંડ ઝાલર વાગે.
એક બળે છે એવો દીવો
અંધારાનો એ મરજીવો
અખંડ સાગર તાગે ઘટ મેં
અખંડ ઝાલર વાગે.
પંડિતનો અહીં કશોય ખપ ના
અખંડ ચાલે તારી રટણા.
કાંઈ કશું નવ માગે ઘટ મેં
અખંડ ઝાલર વાગે.
-સુરેશ દલાલ
સ્વર: પાર્થિવ ગોહિલ
સ્વરાંકન: ચંદુ મોટાણી
સંગીત આયોજન: આશિત દેસાઇ