RSSછલ છલ છલ ઓરે જમુનાના જળ
Jun 18
ગીત Comments Off on છલ છલ છલ ઓરે જમુનાના જળ
છલ છલ છલ ઓરે જમુનાના જળ
જઈને કહો સવારીયાને
એક ઝંખે ગોપી પલ પલ પલ.
એના ગૂંથે નહીં એ ફૂલડે કેશ,
એની આંખડીએ નાં આંજે મેંશ,
એનો મલીન થયો કઈ રઝળી વેશ,
તોય ચરણો કહે એને ચલ ચલ ચલ.
છલ છલ છલ ઓરે જમુનાના જળ.
આ એજ કદંબની છાયા
જ્યાં બંસી સ્વર રેલાયા,
લાગી મનમોહનની માયા
ખીલ્યા પ્રાણ પુષ્પના રે દલ દલ દલ
છલ છલ છલ ઓરે જમુનાના જળ.
– જયંત પલાણ
સ્વર:અશ્વૈર્યા મજમુદાર
સ્વરાંકન :ગૌરાંગ વ્યાસ
