તારે રે દરબાર મેઘારાણા
Nov 21
ગીત Comments Off on તારે રે દરબાર મેઘારાણા
તારે રે દરબાર મેઘારાણા
તારે રે દરબાર
કોણ રે છેડે ઓલ્યા
ગેબી વીણાના તાર
તારે રે દરબાર મેઘારાણા
તારે રે દરબાર
વીજ નાચે એનું નવલું રે નર્તન
રૂપ રૂપનો અંબાર
વાદળીઓના રમ્ય તારે
ઝાંઝરનો ઝણકાર
તારે રે દરબાર મેઘારાણા
તારે રે દરબાર
સાગર સીમાડે કોઈ ગાતું
રાગ મેઘમલ્હાર
પૂછે પ્રકૃતિ કઈ દિશામાં
સંતાડ્યા શૃંગાર
શ્રાવણના શૃંગાર-
તારે રે દરબાર મેઘારાણા
તારે રે દરબાર
-ભાસ્કર વોરા
સ્વર : ગાર્ગી વોરા