દરિયા સાથે દોસ્તી મારી
Sep 02
ગીત Comments Off on દરિયા સાથે દોસ્તી મારી
![](http://gujaratigazal.com/wp-content/uploads/2020/09/Screenshot_20200902-144446__01.jpg)
દરિયા સાથે દોસ્તી મારી નદીઓ સાથે નાતો,
છલાંગ મારતાં ઝરણાં સાથે હું તો ગીતો ગાતો.
લીલાંછમ આ વૃક્ષો વ્હાલાં
પ્હાડો મારા ભેરુ,
વ્હાલું મને લાગે કેવું
નાનું અમથું દેરું.
આંસુઓની પાછળ જઈને કયારેક હું છુપાતો,
દરિયા સાથે દોસ્તી મારી નદીઓ સાથે નાતો.
ફૂલ ને ઝાકળ, દળ વાદળ
ને હર્યુંભર્યું આ ઘાસ,
મારો સૌની સાથે કેવો
સહજ મળે છે પ્રાસ.
સરોવરના આ હંસ કમળની સાથે કરતો વાતો,
દરિયો સાથે દોસ્તી મારી નદીઓ સાથે નાતો.
-સુરેશ દલાલ
સ્વરઃ નયનેશ જાની
સ્વરાંકન :નયનેશ જાની
સૌજન્ય : સંજય રાઠોડ સુરત