બીજા તે રંગ બધા મનના તરંગ
Apr 24
ગઝલ Comments Off on બીજા તે રંગ બધા મનના તરંગ
બીજા તે રંગ બધા મનના તરંગ
તારી ઓઢણીનો રંગ એ જ સાચો
હોય લીલો જાંબુડી કે કેસરી ગુલાબી
મારે તો મન એ જ પાકો
મેઘધનુષના રંગો રળિયામણા
રૂડી પતંગિયાની પાંખો
ઉષા અલબેલી ને સંધ્યા મનોહર
તારલાની થાય લાખ વાતો
મારે તો મને એ સૌ છે પારકા
મારે તો બસ એક નાતો
ઓઢણીની આંગળીને પકડી જે ચાલે
મારે તો મન એ જ પાકો
-સૈફ પાલનપૂરી
સ્વર : અનંત વ્યાસ
સ્વરાંકન : અનંત વ્યાસ