મારા જખમ ને દર્દમાં કુદરતનો ભાગ છે
Apr 24
ગઝલ Comments Off on મારા જખમ ને દર્દમાં કુદરતનો ભાગ છે
મારા જખમ ને દર્દમાં કુદરતનો ભાગ છે
કે ચાંદમાં છે દાગ ને સુરજમાં આગ છે
કહે છે કે શ્રેષ્ઠ સ્થાન પ્રણયમાં છે ત્યાગનું
એ સત્ય હો તો જાઓ, તમારો એ ત્યાગ છે
મહેકી રહી છે એમ મુહોબ્બત કલંક થઇ
જીવનના વસ્ત્ર પર કોઇ અત્તરનો દાગ છે
બેફામ તારી પ્યાસને નથી કોઇ જાણતુ
ને સૌ કહે છે પ્રેમના પાણી અતાગ છે
-બેફામ
સ્વર : આશિત દેસાઈ
સ્વરાંકનઃ આશિત દેસાઈ
સંગીત :તલત અઝીઝ