બોલો બે મીઠા બોલ બસ હો ગયા ભજન
Oct 21
ગઝલ Comments Off on બોલો બે મીઠા બોલ બસ હો ગયા ભજન
બોલો બે મીઠા બોલ બસ હો ગયા ભજન
તું બંધ દ્વાર ખોલ બસ હો ગયા ભજન
‘ટાણા બધાજ સાચવી તે લીધા પ્રભુ’
ગાવો વગાડી ઢોલ: બસ હો ગયા ભજન
જે જીવ માત્રનો બની જાય આશરો –
રાખો એવી બખોલ: બસ હો ગયા ભજન
જોયા કરો જગત ને એ રીતથી તમે ,
જાણે અખાનો તોલ: બસ હો ગયા ભજન
દિવસો બધા જ હોય, પાકટ ફળો સમા,
સૂડાની જેમ ઠોલ: બસ હો ગયા ભજન
– હરેશ વડાવિયા
સ્વર : ડો ભરત પટેલ
સ્વરાંકન : ડો ભરત પટેલ